APP03-27
ISLAMABAD; January 27 - Federal Minister for Kashmir Affairs and GB Ali Amin Kkhan Gandapur chairs a high level meeting regarding preparations of Kashmir Solidarity Day. APP photo by Saeed-ul-Mulk
وزیراعظم پاکستان عمران خان مظفر آباد اچ آزاد جموں وکشمیر قانون ساز اسمبلی اتے کشمیر کونسل دے سانجھے اجلاس نال خطاب کریسن ،صدر مملکت ڈاکٹر عارف علوی ایوان صدر اچ غیر ملکی سفیراں دی تقریب نال خطاب کریسن
اسلام آباد ۔ 27 جنوری (اے پی پی) یوم یکجہتی کشمیر اجوکے سال بھرپور انداز اچ منایا ویسی ایں ڈینھ عام چھٹی ہوسی ،وزیراعظم پاکستان عمران کان مظفر آباد اچ آزاد جموں وکشمیر قانون ساز اسمبلی اتے کشمیر کونسل دے سانجھے اجلاس نال خطاب کریسن جڈاں جو صدر مملکت ڈاکٹر عارف علوی ایوان صدر اچ غیر ملکی سفیراں دی تقریب نال خطاب کریسن ۔ وزیر امور کشمیر و گلگت بلتستان علی امین گنڈا پور آکھیے جو بھارت ولوں مقبوضہ کشمیر دی خصوصی حیثیت دے خاتمے اتے کئی مہینے توں لاک ڈاﺅن دی وجہ توں اجوکے سال یوم یکجہتی کشمیر معمول توں ہٹ تے منایا ویسی ۔ کشمیریاں دی جدوجہد آزادی تے کوئی سمجھوتہ نہ کیتا ویسی تے حق خودارادیت تئیں انہاں دی سیاسی ‘سفارتی اتے اخلاقی حمایت جاری رکھیسوں۔ سنوار کوں کشمیر کونسل سیکرٹریٹ اچ وزیر امور کشمیر دی زیر صدارت اعلیٰ سطح دا اجلاس منعقد تھیا جیں اچ 5فروری کوں یوم یکجہتی کشمیر دے حوالے نال تیاریاں دا جائزہ گھدا گے ۔ اجلاس کوں ڈسایا گے جو وزیر اعظم عمران خان دے احکامات دی روشنی اچ اجوکے سال یوم یکجہتی کشمیر بھرپور انداز اچ منایا ویسی ایں ڈینھ دی مناسبت نال یادگاری ٹکٹ جاری کیتا ویسی ،ایں ڈینھ عام چھٹی ہوسی ،ایں سال یوم یکجہتی کشمیر دے سلسلے اچ تقریبات دا آغاز 27 جنوری توں کرڈتا گے ۔3 فروری کوں کنونشن سینٹر اچ اجتماع تھیسی جیں نال سیاسی قائدین خطاب کریسن ۔ایں ڈینھ کشمیر کونسل دے ممبران 7400 مہاجر خانداناں اچ راشن ونڈیسن ۔آزاد کشمیر اتے پاکستان کوں رلاونڑ آلے سارے اہم پہلواں تے انسانی ہتھاں نال زنجیر بنڑائی ویسی ۔چارے صوبائی دارالحکومتاں اچ ریلیاں نال صوبائی وزیر اعلیٰ خطاب کریسن جڈاں جو ہر ضلعے دی سطح تے ریلیاں کڈھیاں ویسن سارے بین الاقوامی ہوائی اڈیں تے ریلوے سٹیشناں تے یوم یکجہتی کشمیر دے حوالے نال بینرز لاتے ویسن ۔کشمیر کمیٹی دے زیراہتمام سیمینار اتے پریس کانفرنس داانعقاد کیتا ویسی ۔پی ٹی اے ولوںیوم یکجہتی کشمیر دے حوالے نال 10کروڑخصوصی ایس ایم ایس بھیجے ویسن۔وفاقی تعلیمی اداریں اچ مباحثے اتے مضمون نویسی دے مقابلے تھیسن۔ پاکستان سپورٹس بورڈدے زیر اہتمام تریمتاں وچال ہاکی اتے مرداں دے فٹ بال میچ دا انعقاد کیتا ویسی ۔اسلام آباد اچ سنٹورس مال اتے صفا گولڈ مال اچ کشمیر سیل دے زیر اہتمام خصوصی ڈیسک قائم کیتے ویسن ۔ایوان اقبال لاہور اچ یوم یکجہتی کشمیر دے حوالے نال تصویری نمائش دا اہتمام کیتا گے ۔سارے آرٹ گیلریاں اچ تصویری نمائش دا اہتمام کیتا ویسی ۔انسٹی ٹیوٹ آف سٹریٹجک اسٹڈیز اچ 30جنوری کوں خصوصی سیمینار منعقد تھیسی جیں نال وزیرامور کشمیر اتے حریت قائدین خطاب کریسن ۔ قومی کشمیر کمیٹی دے زیر اہتمام قومی اسمبلی دے سارے حلقیں اچ انسانی ہتھاں نال زنجیر بنڑائی ویسی جیں اچ متعلقہ رکن قومی اسمبلی شرکت کریسن ۔
