اسلام آباد ۔ 7 مئی (اے پی پی) وفاقی وزیرصنعت وپیداوارحماداظہرآکھیے جو تعمیراتی صنعت متعلق مینوفیکچرنگ یونٹس اتے دکاناں کوں کھولنڑ دا فیصلہ کر گھدا گے ، صورتحال دی مسلسل نگرانی کوں یقینی بنڑایا ویندا پئے ۔ ہفتہ اچ ڈو ڈینھ کاروبار بند ہوسی تاں جو انہاں ڈو ڈینھاں اچ دوائیاں تے ضروری چیزاں دیاں دکاناں کوں کھولنڑ دی اجازت ہوسی ۔خمیس کوں قومی رابطہ کمیٹی دے اجلاس دے بعد گال مہاڑ کریندے ہوئیں انہاں آکھیے جو کورونا وبا دے تناظر اچ لاک ڈاﺅن دے بعد 14اپریل توں تعمیراتی صنعت کوں جزوی طور تے کھولنڑ دا فیصلہ کیتا گیا ہئی ایں ضمن اچ مزید رعاتیاں ڈتیاں ویندیان پن ہنڑ تعمیراتی صنعت نال وابستہ چیزاں بنڑاں آلے یونٹس تے دکاناں کھولنڑ دا فیصلہ کیتا گئے ۔انہاں آکھیے جو آندے ہفتے توں پی وی سی پائپس، انہاں دے مینوفیکچرنگ یونٹس، سرامکس اینڈ سینٹری وئیرز، کیبلز، سٹیل وایلومینئیم یونٹس اتے انہاں دیاں دکاناں تے ہارڈ وئیر دیاں دکاناں سمیت تعمیراتی صنعت متعلق بئے شعبے دیاں دکاناں کوں کھولیا ویسی ۔انہاں آکھیے ایں فیصلے دا دائرہ کار پورے ملک کیتے ہے دیہاتی علاقیں تے کمیونیٹیز اچ گلی ، کوچیں تے محلے اچ واقع دکاناں کوں سویل توں گھن تے شام 5وجے تئیں کھولنڑ دی اجازت ہوسی ۔ہفتے اچ ڈو ڈینھ کاروبار بند ہوسی تاں جو انہاں ڈو ڈینھ اچ دوائیاں تے ضروری چیزاں دیاں دکاناں کوں کھولنڑ دی اجازت ہوسی ۔وفاقی وزیرآکھیے جو معیشت کوں آہستہ آہستہ کھولیا ویندا پئے ، حکومت صورتحال دی مسلسل نگرانی کریندی پئی اے تے ضرورت پووونڑ تے مزید صنعتاں کوں بتدریج کھولیا ویسی ۔
