پاکستان اچ 30 سال حکومت کرݨ آلیاں جماعتاں اڄ آپݨا منہ لوکیندیاں ودن ، وفاقی وزیر اطلاعات چوہدری فواد حسین

اسلام آباد۔26اگست (اے پی پی):وفاقی وزیر اطلاعات و نشریات چوہدری فواد حسین آکھیے جو پاکستان اچ جنہاں جماعتاں 30 سال حکومت کیتی، اڄ او آپݨا منہ لکیندیاں پئن، تحریک انصاف واحد حکومت اے جیڑھی عوام دے سامݨے اپݨی کارکردگی فخر دے نال پیش کریندی پئی اے ساریاں وزارتاں دی کارکردگی پیش کرݨ نویں روایت اے، اڄ اساݙی خارجہ پالیسی خوداری تے مبنی ہے، افغانستان اچ اساݙے کردار دی پوری دنیا معترف ہے، وزیراعظم عمران خان پاکستان کوں عالمی افق تے واپس گھن آئے ، کشمیر، فلسطین سودھے ٻئے وݙے مسئلیں تے اساݙی آواز ھک اے ، تحریک انصاف دی حکومت کسان دے مفاد اچ کئی اقدامات چاتن ، تلویں طبقے کیتے احساس پروگرام شروع کیتے، سائنس و ٹیکنالوجی سودھے کئی شعبیں اچ جدت گھن آیوں ، اساں عوام نال کیتے ڳئے وعدے پورے کیتن، وزیراعظم عمران خان اڄ آپݨی حکومت دا آندا لائحہ عمل پیش کریدن ۔ اے ڳال انہاں خمیس کوں میڈیا نال ڳال مہاڑ کریندے ہوئیں آکھی اے ایں موقع تے وزیر مملکت اطلاعات و نشریات فرخ حبیب وی موجود ہن ۔ وفاقی وزیر اطلاعات آکھیے اڄ ترائے سال پورے تھیوݨ تے اساݙا موٹو ”لگن، انصاف، انسانیت اتے خودداری ساݙی منزل“ اے۔

مضمون کا ماخذ : پاکستان کی مشہور لاٹری

متعلقہ مضامین