اسلام آباد ۔ 5 مئی (اے پی پی) وفاقی وزیر پٹرولیم و قدرتی تے سائل شاہد خاقان عباسی آکھیا اے جو گیس دی فراہمی دے منصوبیں تے لاتی گئی پابندی چا گھدی گئی ہے ۔ایل این جی دی درآمد دے بعد گیس دی فراہمی اچ 38فیصد ودھارا تھیا ہے ۔نویں چیئر مین اوگرا دا وختی نوٹیفیکیشن تھی ویسی ۔ملاوٹ یا ناپ تول اچ گھٹکی کیتے بغیر پاکستان اچ کوئی پٹرول پمپ نی چل سگدا ،تیل دیاں قیمتاں اچ ردوبدل دی تاریخ مقرر نہ تھیوے تاں کہیںجاہ پٹرولیم مصنوعات دی گھٹکی نہ تھیسی ۔کیوں جو مہینے دے چھیکڑ اچ ساریں کوں پتہ ہوندا ہے جو ایں د فعہ قیمتاں ودھسن یا گھٹ تھیسن ۔ہنڑ سردیاں اچ پنجاب دے سوا کتھائیں وی گیس دی گھٹکی دا مسئلہ نہ تھیسی ۔انہاں اے گالھ مہاڑ خمیس کوں اتھاں قومی اسمبلی دی قائمہ کمیٹی پٹرولیم تے قدرتی وسائل کوں بریفنگ ڈیندے ہوئیں کیتی۔قائمہ کمیٹی دا اجلاس چیئر مین بلال احمدورک دی صدارت اچ پارلیمنٹ ہائوس اچ تھیا ۔اجلاس اچ کمیٹی دے رکناں ارشد خان لغاری، ملک اعتبار خان، میاں طارق محمود، نواب علی وسان، عبدالوسیم، رانا محمد اسحاق خان اتے بئے قومی اسمبلی دے رکناں دے علاوہ وفاقی وزیر پٹرولیم و قدرتی وسائل شاہد خاقان عباسی، سیکرٹری پٹرولیم ارشد مرزا، ایم ڈی سوئی ناردرن امجد لطیف، ایم ڈی سوئی سدرن گیس کمپنی خالد رحمان، ایم ڈی پی ایس او شیخ عمران الحق اتے بئے متعلقہ افسراں شرکت کیتی۔
.jpg)
