معاون خصوصی اطلاعات تے نشریات ڈاکٹر فردوس عاشق اعوان دی شہزاد اکبر دے کٹھے میڈیا بریفنگ
APP69-18
ISLAMABAD: June 18 - Special Assistant to the Prime Minister on Information and Broadcasting Dr. Firdous Ashiq Awan and Special Assistant to PM on Accountability Shahzad Akbar jointly addressing a press conference at PID Media Centre. APP photo by Irshad Sheikh
اسلام آباد ۔ 18 جون (اے پی پی)وزیراعظم عمران خان دی صدارت اچ منگل کو ںوفاقی کابینہ دا اجلاس تھیا۔اجلاس دے بعد وزیراعظم دی معاون خصوصی اطلاعات تے نشریات ڈاکٹر فردوس عاشق اعوان وزیراعظم دے معاون خصوصی احتساب شہزاد اکبر دے کٹھے میڈیا کو ںبریفنگ ڈیندے ہوئیں ڈسایا جو جون 2008ءاچ ملکی قرضہ 6690 ارب روپے ہا جیرھا جو ستمبر 2018ءاچ 30846 ارب روپے تئیں پجا ڈتا گیا، قنون مطابق کل قرضے دا حجم ملکی جی ڈی پی دے 60 فیصد تئیں محدود ہونڑ چاہیدے لیکن صرف 10 سالاں اچ ا یہ قرضہ سٹھ فیصد توں گنا ودھ گیا۔ کابینہ کوں ڈسایا گیا جو قوم کوں قرضیاں دے دلدل اچ دھکنڑ اتے صرف 10 سالاں اچ ملکی قرضیاں اچ 24000 ارب روپے دے ودھارے دی تحقیقات کروانڑ سانگے انکوائری کمیشن بنرایا گئے۔ انکوائری کمیشن نیب، ایف آئی اے، آئی بی، آئی ایس آئی، سٹیٹ بینک، سیکورٹی ایکس چینج کمیشن، ایف بی آر، آڈیٹر جنرل آف پاکستان، اے جی پی آر دے نمائندں اتے سپیشل سیکرٹری خزانہ ڈویژن تے مشتمل ہو سی۔ فردوس عاشق اعوان ڈسایا جو وفاقی کابینہ گزریل 10سالاں دوران 24ہزار ارب باہرلے قرضیاں دے استعمال دی گول پھرول سانگے کمیشن دی منظوری ڈے ڈتی ہے۔ اصغر حسین ایندے سربراہ ہوسن۔انہاں ڈسایا جوکمیشن 6مہیناں اچ مکمل رپورٹ جڈاں جو ہر مہینے عبوری رپورٹ حکومت کوں پیش کرنڑ دا پابند ہوسی۔انہاں ڈسایا جووفاقی کابینہ کرپشن اتے لوٹ مار کرنڑ آلیاں کوں پروٹوکول ڈیونڑ تے شدید تحفظات دا اظہار کیتے ،وزرا اعلی کرپشن اچ ملوث لوکیں کوں پروٹوکول ڈیونڑ دا کلچر ختم کرنڑ ۔ کابینہ کوں ڈسایا گیا کابینہ دے اجلاساں اچ ہنڑ تئیں841 فیصلے کیتے گن جنہاں وچوں 738 (88 فیصد) تے عمل تھی گئے، 60 فیصلیاں (7 فیصد) تے عملدرآمد جاری ہے، 16 فیصلے (ڈو فیصد) ایجا ہن جنہاں تے عملدرآمد تھیونڑ اچ 90 ڈینھ توں ودھ عرصہ گزر گئے، ایہ فیصلے بین الاقوامی معاہدیاں توں متعلق ہن۔ کابینہ کو ں ڈسایا گیا جو ملک اچ کھنڈ دی پیداوار، گنے دی کاشت، کسان کوں گنے دی مقرر قیمت ڈیونڑ یقینی بناونڑ سانگے پالیسی بناونڑ تے کم جاری ہے تاں جو جتھاں گنے دی پیداوار اتے کساناں دتے مسئلے مکنڑ ،اتھاں آندے سال کھنڈ دی برآمد تے وی کوئی سبسڈی نہ ڈیونڑ پووے۔ زوننگ اتے Cropping Pattren Improvemrnt سانگے سٹڈی بارے پیش رفت توں متعلق کابینہ کوں ڈسایا گیا ۔ ایہ سٹڈی سپارکو دی مدد نال کیتی ویندی پی ہے ،جیرھی جو آند ے سال تئیں مکمل کر گھدی ویسی۔ کابینہ کو ں ڈسایا گیا جو زراعت دے شعبے اچ چین دے نال ترائے ایم او یوزتے دستخط تھی گن۔ ایں موقع تے وزیراعظم آکھیا جو پاکستان زراعت دے شعبے اچ چین دے تجربے توںسیکھنڑ چاہندے۔ کابینہ کو ں ڈسای گیا جو رجسٹریشن دے حوالے نال ملک دے 13 ایئرپورٹس تے ایف آئی اے دے 170 کاﺅنٹر بنڑے ہوئے ہن۔ لینڈ، سمندر، ریلوے سٹیشن کوں ملا تے کل 242 کاﺅنٹر موجود ہن۔ انہاں ڈیٹا متعلقہ محکماں دے نال شیئر کیتا ویندے۔ کابینہ کو ڈسایا گیا جو آن لائن ویزہ سسٹم تحت 10892 ویزہ درخواستاں ملیاں، 8166 ویزہ درخواستاں منظور تھئیاں، 339 درخواستاں ریجیکٹ تھئیاں، 1654 درخواستاں زیر غور ہن جڈاں جو 733 درخواستاں متعلقہ ضروری معلومات گھنڑ سانگے واپس کیتیاں گن ۔ آن لائن ویزہ گھنڑ دے طریقے بارے ڈسایا گیا جو پاکستان دے ویزہ فارم کوں آن لائن بھرن اچ صرف 40 منٹ لگدن۔کابینہ سیرین ایئر پرائیویٹ لمیٹڈ دے ریگولر پبلک ٹرانسپورٹ لائسنس دی تجدید دی منظوری ڈتی۔کابینہ ایئر فالکن پرائیویٹ لمیٹڈدے چارٹر لائسنس کلاس ٹو دی تجدید اتے ریگولرائزیشن دی منظوری ڈتی۔کابینہ پاکستان اتے ایران وچال میری ٹائم سرچ اینڈ ریسکیو توں متعلق ایم او یو دی وی منظوری ڈتی۔ کابینہ پاکستان انڈسٹریل ٹیکنیکل اسسٹنس سنٹر اتے Jianqsu University China وچال ایم او یو دی وی منظوری ڈتی۔کابینہ کنٹریکٹ ملازماں کوں ریگولر کرنڑ دے حوالے نال پالیسی بنڑاونڑ دے حوالے نال کمیٹی بنڑاونڑ دی وی منظوری ڈتی۔ کمیٹی ڈاکٹر عشرت حسین دی سربراہی اچ کم کریسی۔کابینہ پاکستان اتے قطر اچ سرمایہ کاری اتے تجارت دے ودھارے دے حوالے نال جوائنٹ ورکنگ گروپ بنڑاونڑ دی وی منظوری ڈتی۔ ہک سوال دے جواب اچ شہزاد اکبر آکھیا جوہک سال اچ2900ارب روپے باہرلے قرضیاں تے سود ڈیونڑ پوندے ،اگر ارسطو وی آویندا تاں قرضہ گھنڑ پووے ہا،کیونجو ڈو آپشن ہن یا تاںملک ڈیفالٹ کر ڈیندے یا ول چلاونڑ سانگے بیا قرض گھن گھندے۔ہک سوال دے جواب اچ شہزاد اکبر ڈسایا جو اسحاق ڈار دی وطن واپسی سانگے مثبت پیش رفت تھی ہے ،ایم او یو تے دستخط تھی گن ،ہنڑکجھ مراحل باقی ہن ایندے بعد انھاں کوں اوں ملک دے مجسٹریٹ سامنڑے پیش کر تے پاکستان گھن آسوں ۔
.jpg)
